तू नसताना मी

संसाराचा किती वर्ष खेळला त्यांनी सारीपाट
तरीपण दोघांना जाता येत नाही पाठोपाठ
'' तू थांब मागं, मला जावं लागेल पुढं''
दोघेजण दामटत होते आपलं आपलं घोडं.       

देवाच्या हिशोबी दोघांचेही हिशोबच वेगळे
बेरीज, वजाबाकी, गुणाकार करून उरलेल्याला भागलं
ज्याचं गणित बरोबर त्याला अलगद उचललं
खूप विचार केला, वाटलं सारं काही संपलं.

रडलं, भाकलं, ओरडलं, आरडलं नंतर मात्र स्थिरावलं
पुढे गेलेल्याला काय वाटेल? मीच मनाला दटावलं
तेव्हा कुठे माझं मला थोडं फार उमजलं
'तू नसताना मी' आहे, त्यातच सुख मानायचं ठरवलं.


from Loksatta Feb 1st, 2013
http://www.loksatta.com/chaturang-news/i-without-you-361099/3/

आहेस तू

आहेस तू आहेस  तू
चराचरात घराघरात
जरी न दिसशी तरी तू असशी
वाऱ्या वाऱ्या मधुनी  वहात

आम्हा नाही दिसणार तू
आमच्यात कधीही न हसणार तू
तरीही दिसशीन तरीही  हसशील
ओल्या ओल्या आभाळात 

जे जे आम्ही घडवू कधी
जे जे आम्ही मिळवू कधी
तेथे  असशील दुरुनी पहात
राहशील कायम आमच्या मनात

------------मन्या ( मराठी चित्रपट )

अपुले आभाळ अपुले तारे

अपुले आभाळ अपुले तारे,
आपले आपण सारे शोधावे,
हिरव्या पानामधे लपलेले,
आपले नशीब वाचावे .

पाउले नेतील जिथे जिथे
वाटा त्या आपुल्या होती
घामाचे थेंब रुजुनी जेंव्हा
बोलावे हक्काची माती

डोळ्यात आपल्या आपण थोड़ी,
सोनेरी स्वप्ने ही पेरत जावे,
हिरव्या पानामधे लपलेले,
आपले नशीब वाचावे .

फुलांच्या  गावात लागती,
चांदण्या नजरेचे दिवे,
गोळा करावे गवतामधूनी,
फुलपाखरांचे थवे.

उडनी जाती सारी पाखरे,
कुणीतरी हसावे,
हिरव्या पानामधे लपलेले,
आपले नशीब वाचावे.

---मन्या ( मराठी चित्रपट )

होत से जीव हा बावरा

प्रेम रंगात रंगुनी ,
प्रीत झंकारते  मनी ,
अंतरंगात ऐकू ये साद ,
होत  से जीव हा बावरा,  हा जीव बावरा !!!

ना तुला बोलवे,
ना मला बोलवे,
नयन हे बोलती,
एकमेकांसवे,

धुंध गन्धात न्हाउनी,
गीत ये आकारुनी,
अंतरंगात ऐकू ये साद,
होत  से जीव हा बावरा,  हा जीव बावरा !!!

जीव आसावला,
कम्पने ही नवी,
ऐकू येती उरी,
स्पंदने  ही नवी

स्वप्न  डोळ्यातले कुणी,
साज छेडीत ये कुण,
अंतरंगात ऐकू ये साद,
होत  से जीव हा बावरा,  हा जीव बावरा !!!

मराठी चित्रपट -----क्षणभर विश्रांती